Ləğv prosesində olan 19 bank üzrə 1,7 milyard manat kompensasiya ödənilib

Ana səhifə / Xəbərlər

Məlumat üçün bildiririk ki, Əmanətlərin Sığortalanması Fondu yarandığı tarixdən cari ilin yanvar ayının 1-dək ləğv prosesində olan 19 bank üzrə toplam 1,717,520,747 manat kompensasiya ödənişini həyata keçirmişdir. Yaxın keçmişə nəzər salsaq, ölkəmizdə Koronavirus pandemiyası səbəbilə sərt karantin rejiminin, habelə hərbi vəziyyətin tətbiq olunduğu 2020-ci ildə Əmanətlərin Sığortalanması Fondu sığorta hadisəsi baş vermiş 4 bankın və növbəti illərdə isə daha 2 bankın ləğvedicisi təyin olunduqda təxirəsalınmaz tədbirlər nəticəsində qısa müddət ərzində külli miqdarda kompensasiya ödənişini həyata keçirməklə fəaliyyət tarixində ilkə imza atmışdır. Məhz 2020-ci ildən 2024-cü ilədək ləğv prosesində olan 6 bank üzrə toplam 35020 nəfər qorunan əmanətçiyə ümumilikdə 897,581,697 manat kompensasiya ödənişi həyata keçirilmişdir.