LƏĞV PROSESİNDƏ OLAN "DƏMİRBANK" ASC-NİN KREDİTORLARININ DİQQƏTİNƏ!

Ana səhifə / Xəbərlər

Əmanətlərin Sığortalanması Fondu ləğv prosesində olan "Dəmirbank" ASC-nin kreditorlarının diqqətinə çatdırır ki, "Banklar haqqında" Qanunun 82.1.5-ci maddəsinə əsasən, bankın müflis elan olunmasına dair məhkəmə qərarının qəbul edildiyi tarixdən əvvəlki altı aydan çox olmayan dövr üçün ödənilməli müavinətlərin, əmək haqlarının verilməsi haqqında bankın işçilərinin və keçmiş işçilərinin tələbləri üzrə ödəniş 29 iyul 2019-cu il tarixindən etibarənbaşlanacaqdır.

Tələblərin ödənişi nağdsız qaydada həyata keçiriləcək.

Tələblərin ödənişi ilə bağlı Əmanətlərin Sığortalanması Fonduna (Bakı şəhəri, Babər prospekti, 16) müvafiq sənədlərlə (bank rekvizitləri göstərməklə) müraciət olunmalıdır.

Əlaqə nömrələri: (012) 596 65 91/92/93

Qaynar xətt: 941